پرەزيدەنت قاسىم-جومارت توقايەۆ گەرمانياعا جاساعان ءىس ساپارىندا الەمدىك نارىقتاعى احۋالدى، تەرروريزمدى جانە تاياۋ شىعىستاعى جاعدايدى ميۋنحەن قاۋىپسىزدىك كونفەرەنسياسىندا تالقىلادى. ولار تەك جاھاندىق ماسەلەلەردى عانا تالقىلاعان جوق. سونىمەن قاتار قاسىم-جومارت توقايەۆ گەرمانيانىڭ الىپ بيزنەسمەندەرىمەن دە كەزدەسكەن.
استانا تەلەارناسىنىڭ مالىمەتىنشە، پرەزيدەنت بىرنەشە ساعاتتىڭ ىشىندە بىرنەشە ءىرى كاسىپكەرلەرمەن كەزدەسىپ ۇلگەرگەن. ولاردىڭ ىشىندە "SIEMENS" باسشىسى دجو كەزەردە بار. 1994 جىلى نەمىس الىبى العاشقىلاردىڭ ءبىرى بولىپ قازاقستاندا ءوز فيليالىن اشقان.
– قازاقستان نەمىس كاسىپكەرلەرىن تارتۋ ءۇشىن، قولدان كەلگەننىڭ ءبارىن جاسايدى،– دەپ توقايەۆ وتكەن جىلدىڭ جەلتوقسان ايىندا گەرمانياعا جاساعان ءىس ساپارىندا ايتقان بولاتىن.
ەلدە شەتەل كاسىپكەرلەرى ءۇشىن ارنايى سالىق رەجيمى مەن ءتيىمدى ينۆەستيسيالىق جاعداي جاسالعان.
– مەن ءۇشىن جانە پرەزيدەنت ءۇشىن ەكونوميكانى ءارتاراپتاندىرۋ ماڭىزدى. ءبىز الەمنىڭ ەڭ دانىشپان تۇلعالارىن ەلىمىزگە تارتىپ، ەكونوميكالىق ءوسىمدى ارتتىرۋعا قولدان كەلگەن شارانىڭ ءبارىن جاسايمىز. ارينە، بىزگە كەپىلدىك قاجەت. ءتۇرلى سانكسيالار مەن تەرروريستىك جانجالدار جاعدايىندا تۇراقتىلىققا قول جەتكىزۋ وڭاي ەمەس. ءقازىر الەم وتە قيىن جاعدايدى باستان وتكەرۋدە. ەۋرو وداقتىڭ سىرتقى بايلانىستار جونىندەگى كەڭەس پرەزيدەنتى ريچارد ناتان حااس قازاقستاننىڭ كورشىلەس مەملەكەتتەرمەن قارىم-قاتىناسىنا قىزىعۋشىلىق تانىتتى، – دەدى قاسىم-جومارت توقايەۆ.
پىكىر قالدىرۋ